SERIKALI ya Kijiji cha Bwekela,Kitongoji cha Mwina, kata ya Igoweko,wilayani Igunga, Mkoa wa Tabora inamtafuta mkazi mmoja wa Kijiji hicho, Kashinje Shima kwa tuhuma za kumbaka na kumpa mimba mtoto wake wa kike,Mbalu Kashinde mwenye umri wa miaka 17.
Mama mzazi wa mtoto huyo,Jeni Njiro alisema tukio hilo lilitokea Julai,23,mwaka huu baada ya binti huyo kugundulika kuwa na ujauzito wa miezi saba sasa. Alisema kabla ya kugundua kitendo hicho cha kinyama kilichokuwa kikifanywa na mumewe, inasemekana kuwa baba wa mtoto huyo alikuwa akitumia mwanya wa kutokuwepo nyumbani kwa mama wa mtoto na ndipo alipokuwa akifanya tendo hilo la ndoa na mtoto wake.
Kutokana na hofu aliyoanza kuwa nayo juu ya mwenendo wa mumewe na mtoto wake huyo ndipo siku moja walipokuwa shambani wakiendelea na shughuli za kuvuna mazao na mara tu mumewe alipoaga kurudi nyumbani,muda mfupi baadaye naye alimtuma mtoto wake mkubwa wa kiume ili akafuatilie nyumbani kupata uhakika wa kile alichokuwa akihofia.
Hata hivyo mama huyo alisema mara baada ya mtoto wake huyo kufika nyumbani ndipo alikuta baba yake wakifanya tendo la ndoa na mdogo wake na hivyo kurudi shambani na kumweleza ukweli wa jambo hilo mama yake.
Ndipo inasemekana baada ya taarifa hiyo mama yake aliamua kuita ndugu wa pande zote mbili kwa ajili ya kuzungumzia unyama huo na alipohojiwa katika kikao hicho cha kifamilia, alikana kuhusika na tuhuma hizo,na baada ya babu ya mtoto huyo kushauri waende kupimwa Hospsitali kupata ukweli, ndipo baba huyo alipokubali kuwa anatembea na mtoto wake.
Kutokana na kukubali kwake kwa mume wa mama huyo kwa kuhofia kwenda kugundulika kutokana na vipimo kuonyesha ukweli hivyo alitakiwa kulipa adhabu ya faini ya ng’ombe wawili,ambao aliwalipa na suala hilo kuwa limekwisha. Hata hivyo pamoja na familia ya upande wa mama huyo kutokubaliana na maamuzi hayo ya kifamilia.
Kwa upande wake Mwenyekiti wa Kitongoji cha Mwina Bundala Makelema alikiri kuwepo kwa suala hilo na kwamba wakati mtuhumiwa huyo akilipa adhabu ya kimila ya ng’ombe wawili yeye alishiriki.
Jiunge na mi kwa kubonyeza kwenye link zifuatazo chini ili kupata habari mpya zaidi.
FACEBOOK >>> TWITTER >>> MATUKIO KWA NJIA YA SAUTI
