Thursday, September 3, 2015

ZITTO KABWE NDANI YA UWANJA WA TAIFA JUMA MOSI

WAKATI kiongozi wa Chama cha ACT Wazendo, Zitto Kabwe, ameomba Watanzania waruhusiwe kuingia bure uwanjani kuishangilia Taifa Stars dhidi ya Nigeria keshokutwa Jumamosi, Shirikisho la Soka Tanzania (TFF) limetangaza viingilio vikubwa kwa ajili ya mechi hiyo ya kuwania kufuzu fainali za Mataifa ya Afrika (AFCON) 2017.

Wakati wa uzinduzi wa kampeni za chama hicho kuhusu uchaguzi mkuu mwaka huu zilizofanyika Mbagala jijini Dar es Salaam Jumapili, Zitto alishauri TFF iruhusu mashabiki waingie bure kwenye Uwanja wa Taifa kuipa sapoti kubwa timu ya nyumbani.

Hata hivyo, katika mkutano na waandishi wa habari kwenye ofisi za TFF jijini Dar es Salaam leo, Baraka Kizuguto, ofisa habari na mawasiliano wa shirikisho hilo, ametangaza kiingilio cha chini ya Sh 7,000 huku akimjibu kwa kifupi Zitto kwa kusema: “Tusichanganye siasa na michezo”.

Kizuguto amesema maandalizi ya mechi hiyo ya Kundi G yamekamilika huku akieleza kuwa kiingilio cha juu (VIP A) Sh 40,000, VIP B Sh 30,000, VIP C Sh15,000, Rangi ya Machungwa Sh 10,000 wakati viti vya rangi ya Bluu na Kijani Sh 7,000. 

Amesema tiketi za mchezo huo zinatarajiwa kuanza kuuzwa leo saa 4 asubuhi katika vituo 10; Ofisi za TFF, Buguruni, Mbagala, Ubungo, Makumbusho, Uwanja wa Taifa, Mwenge, Kivukoni, Posta (Luther House) na Kariakoo (Msimbazi). 

Amesema mechi hiyo itakayoanza saa 10:30 jioni kwa saa za Afrika Mashariki, itachezeshwa na waamuzi kutoka Rwanda ambao wanatarajiwa kuwasili jijini leo jioni.

Marefa hao ni Louis Hakizimana (kati), Honore Simba (msaidizi), Jean Bosco Niyitegeka (msaidizi) na Abdoul Karim Twagiramukiza (wa akiba) pamoja na kamisaaa Charles Kasembe kutoka Uganda.

Wednesday, September 2, 2015

UKAWA NAO LEO WAJIBU KAULI ZA DK.SLAA

Umoja wa vyama vinavyounda umoja wa Katiba UKAWA leo nao wamejibu kauli za mhe.Slaa alizo zizungumza siku ya jana kutipita vituo vya television na radio stations hapa nchini.

Wameamua kujibu kauli hizo kupitia kwenye mkutano wa waandishi wa habari huku wakimtaja dk.slaa kuwa alishiriki kumkaribisha mhe.Edward Lowassa kuingia chama cha Demokrasia na maendeleo Chadema. 

Fuatilia mjadara huu kupitia Azam Tv sasa

Monday, August 31, 2015

ENEO LA HEKARI 2 LINAUZWA KIJIJI CHA CHETA

Eneo la hekari 2 lipo kijiji cha Cheta mkoa wa Pwani jirani kabisa na kazore magenge 20.

ni umbali wa 8km kutokea Vikindu getini linauzwa kwa Tsh. 10millions kila hekari moja.

Tuwasiliane sasa kupitia 0659 91 9292 

Sunday, August 30, 2015

MKUTANO WA KAMPENI ZA VYAMA VINAVYOUNDA UMOJA WA KATIBA UKAWA VIKINDU GETINI LEO

Wakereketwa wakiwa wanasikiliza sera kutoka kwa wagombea wao.
Raia wakiwa barabarani wakimsindikiza kiongozi wao kuelekea eneo la mkutano pale vikindu getini kwa mzee bakura mwembeni.
Hapa ni eneo la mwembeni ambapo mkutano huu umefanyikia. Zaidi tembelea www.kizuritz.com

Saturday, August 29, 2015

NEC YATAHADHALISHWA JUU YA UCHAGUZI MKUU 2015


Tume ya taifa ya uchaguzi NEC imetahadhalishwa kuwa makini katika zoezi la kuhesabu kura pamoja na kutangaza matokeo kwenye uchaguzi ujao mwezi October 2015 ili kuepusha uvunjifu wa amani kwa Tanzania.
Yamesemwa hayo na viongozi wa makanisa ya katoliki akiwemo Askofu Anthony Banzi, ambaye ni askofu wa Katoliki jimbo la Tanga pamoja na Askofu Thomas Tarimo ambaye ni askofu Kanisa la Pentekoste jijini Tanga.

Ambapo wamesema NEC wawe huru katika kuhesabu pamoja na kutangaza matokeo ya uchagu bila uchakachuaji wowote.

HARRISON MWAKYEMBE ALIA NA EDWARD LOWASSA JANA

Mhe.Harrison Mwakyembe aongelea kuhusu sakata la Richmond kwenye mkutano wa kampeni za ccm mkoani Mbeya. 


Kiongozi huyu alikuwa Mwenyeki wa kamati teule ya Bunge ambayo ndio iliyo muondoa madarakani waziri mkuu wa zamani mhe.Edward Lowassa ambaye ni mgombea urais kupitia UKAWA kwenye chama cha demokrasia na maendeleo Chadema.

Mwakyembe alisema yote yaliyosemwa juu ya Lowassa kuhusu Richmond niyakweli wala si ya uhongo hata kidogo, huku Mwigulu Rameki Nchemba akiwasisitiza watanzania kuchagua viongozi waadirifu na wenye kujari matakwa ya wananchi pamoja na kusimamia mali za nchi.

UZINDUZI WA KAMPENI NA MAFUNZO YA CHAMA CHA ACT

Chama cha ACT wazalendo kimeendesha mafunzo kwa wagombea ubunge wote 219 kati ya majimbo 265 ya jamuhuri ya muungano wa Tanzania kwa lengo la kuwajengea uwezo katika utendaji wa kazi zao ndani ya chama chao.

Chama hicho kinachukua nafasi ya pili kwa kuwa na wagombea wengi. Huku mhe.Zitto Kabwe akiwaomba watanzania wajitokeze kwa wingi katika siku ya tarehe 30/8/2015 kwenye uzinduzi wa kampeni ya chama hicho utakaofanyika kwenye viwanja vya Zakhem Mbagara.

Friday, August 28, 2015

SHULE ZAFUNGWA WAKIHOFIA KIPINDU PINDU DAR

Baadhi ya shule katika wilaya ya Kinondoni jijini Dar es salaam zimelazimika kufungwa kwa mda wa wiki mbili

kwa kuhofia wanafunzi wao kuambukizwa ugonjwa huu wa kipindu pindu unaoendelea jijini hapa na kwingineko.

Thursday, August 27, 2015

MOTO WASABABISHA VIFO VYA WATU 9 BUGURUNI JANA


Waungwana nimesikia hii habari muda si mrefu kutoka East Africa radio kuna familia moja imeteketea kwa moto hapo Buguruni Malapa. Watu 9 wanasemekana wamefariki kasoro baba mwenye nyumba tu.


Kwa niaba ya familia yangu nawapa Pole sana wafiwa wote na Mungu awape subra katika kipindi hiki kigumu. Wenye taarifa kamili tunaomba mtujuze.