Stori: Gladness Mallya
STAA
wa filamu za Kibongo, Kulwa Kikumba ‘Dude’ amekiri kubebeshwa madawa ya
kulevya bila kujua na kujikuta akiponea chupuchupu kutokana na umaarufu
wake.
Kulwa Kikumba ‘Dude’.
Akizungumza
na paparazi wetu, Dude alisema amewahi kubebeshwa unga na rafiki yake
wa karibu ambaye hakumtaja jina na walikuwa wakitokea Nairobi nchini
Kenya kuja Tanzania.Alisema wakati wanaanza safari alipewa koti la
baridi na rafiki yake huyo, akalivaa kumbe ndani yake lilikuwa
limeshonewa pakti za unga.
Walisafiri
kwa gari na kila walipokutana na polisi wanaokagua hawakumkagua Dude
kwani waliishia kupiga naye picha na kumsifia kwa kazi yake mpaka
alipofika jijini Dar es Salaam.
“Kila
tulipokuwa tunakutana na polisi rafiki yangu alikuwa akiwawahi na
kuwaambia kwamba yupo na mimi ambapo walifurahia kuniona na kupiga picha
na mimi bila kunikagua chochote,” alisema
Dude.
Dude.
Baada
ya kupita vizingiti vyote, waliingia jijini Dar es Salaam maeneo ya
Kinondoni Manyanya alipokuwa akiishi rafiki yake huyo ambapo alimwambia
avue koti, akaanza kufungua mzigo aliokuwa ameushonea kwa ndani.
Dude
alijikuta akishikwa na tumbo la kuhara kutokana na mshtuko alioupata
baada ya kuona rafiki yake huyo akitoa madawa ya kulevya.
“Jamaa
alinipa shilingi elfu hamsini za Kenya na ni baada ya kufika Dar ndipo
niligundua kwamba nilikuwa nimebebeshwa unga lakini yule jamaa
alishakamatwa na anatumikia kifungo nchini Pakistani,” alisema Dude.
Hata
hivyo Dude aliwashauri mastaa wenzake kuwa makini na marafiki zao kwani
siyo wote wanaokamatwa wamebeba unga kwa kujua bali wengine
wanabebeshwa tu bila kujua.
GPL
